EC fillon serinë e aksioneve të pastrimit në Prizren

Ojq EC Ma Ndryshe sot ka realizuar një aksion pastrimi në qytetin e Prizrenit, përkatësisht te “Sheshi i Lidhjes” dhe përgjatë rrugës së “Marashit”.

Qëllimi i kësaj iniciative ka qenë pastrimi i këtyre hapësirave publike nga mbeturinat, si dhe përçimi i porosisë për nevojën e mbrojtjes së mjedisit nga secili individ.

EC në këtë pjesë të qytetit ka mbledhur një sasi të mbeturinave, derisa kompania rajonale e mbeturinave “Ekoregjioni” ka ndihmuar me grumbullimin final dhe dërgimin e këtyre mbeturinave në deponi.

Aksione të tilla do të organizohen në vazhdimësi, duke respektuar masat dhe udhëzimet ndaj COVID-19. Me këtë rast EC i bën thirrje të gjithë qytetarëve vullnetmirë që ti bashkohen nismave të tilla, në mënyrë që të kontribuohet për një mjedis më të pastër. EC gjithashtu fton institucionet përgjegjëse që të tregojnë kujdes më të shtuar për mirëmbajtjen e hapësirave publike të qytetit.

Mbjellja e drunjve të rinj në kryeqytet

Është një hapësirë e gjelbëruar në lagjen “Ulpiana” në kryeqytet. Drunjtë aty janë të mëdhenj ngaqë janë mbjellë kohë më parë. Kësaj lagjeje jo shumë larg qendrës i janë shtuar edhe drunj të rinj me projekt të ri të mbjella nga Komuna e Prishtinës.

Si pjesë e nismës është bërë edhe fushata “Bëhu mik i Prishtinës”, ku kanë mundur të japin donacione – drunj – organizata e biznese të ndryshme. Sipas drejtoreshës së parqeve, Fatime Hajdari, pjesëmarrja duket e kënaqshme, raporton KOHA.

Drunjtë e mbjellë janë të llojeve të ndryshme, ndërsa pritet të mbillen 12.000 të tillë, pasi komuna t’i përfundojë procedurat.

Hajdari tregon se gjithnjë mbjellja e drunjve të rinj bëhet në pajtim me banorët e lagjeve.

Vendndodhja e mbjelljeve do të jetë në lagje të ndryshme, por ka dallime në vendet brenda lagjeve ku do të vendosen drunjtë e rinj. Po ashtu, Hajdari i inkurajon qytetarët që të kujdesen edhe më shumë për drunjtë aktualë.

Sipas saj, drunjtë nga “miqtë e Prishtinës” janë gjithmonë të mirëseardhur.

© KOHA. Të gjitha të drejtat janë të rezervuara.

Samiti i Sofjes – vendet e ballkanit perëndimor angazhohen për marrëveshjen e agjendës së gjelbër

Marrëveshja për GreenDeal do të ketë një rol të rëndësishëm në forcimin e bazës për mbrojtjen e mjedisit, duke tërhequr tërheqjen rajonale në përparimin e përpjekjeve të zhvillimit të qëndrueshëm, dekarbonizimin dhe tranzicionin e energjisë së pastër.

Nismat e miratuara në Sofje bazohen në angazhimet e marra më parë nga rajoni në Samitin BE-Ballkan Perëndimor në Zagreb në maj 2020. Ato do të mbështeten nga Plani Ekonomik dhe i Investimeve për Ballkanin Perëndimor miratuar nga Komisioni Evropian në 6 Tetor 2020.

Samiti i Sofjes dhe nënshkrimi i Marrëveshjes së Gjelbër për Ballkanin janë një shpresë për rajonin dhe për Kosovën.

Let’s Do It Kosova dhe KOK-u për 10 vjet do të mbjellin 1.8 milionë drunj

Komiteti Olimpik i Kosovës (KOK) ka nënshkruar Memorandum Bashkëpunimi me organizatën Let’s Do It Kosova për fushatën “T’i japim vendit ngjyra”, përmes së cilës synohet që brenda 10 vjetësh të mbillen 1.8 milionë drunj, raporton Ekonomia Online.

Luan Hasanaj drejtori i Let’s Do It Kosova. ka thënë se kjo fushatë është 10 vjeçare. Ai shtoi se i kanë bashkuar forcat që në fund ‘ti ndërrohet pamja vendit tonë.

“Jam i lumtur që sot po e nënshkruajmë këtë marrëveshje. Është një fushatë që është 10 vjeçare duke filluar që nga sot deri në vitin 2037 “.

“Mjedisi dhe Sporti janë shumë të lidhur njëra me tjetrën. Ka rrugë në Kosovë që duhet të gjelbërohen, dhe ne e kemi rastin që së bashku me një organizata të jemi bashkë në këtë rrugëtim dhe në fund ta ndërrojmë pamjen dhe imazhin e vendit tonë”. Ai ka thënë se do të mbillen edhe 3000 mijë drunj në autostradën Ibrahim Rugova, raporton EO.

Ndërsa kryetar i KOK-ut Besim Hasani është shprehur se nuk ka qenë i vështirë bashkëpunimi, për arsye se edhe objektivat e tyre janë për një mjedis të pastër.

“Organizata ta pastrojmë Kosovën e ka dëshmuar vetën dhe objektivat e KOK0ut  janë për një mjedis të pastër dhe nuk ka qenë vështirë që t’i bashkojmë forcat. Edhe nga këndvështrimi sportiv gjitha garat duhet të organizohen në mjedis të pastër”.

Ai ka thënë se do të mbillen edhe 3000 mijë drunj në autostradën Ibrahim Rugova, raporton EO.

Sekretar i KOK-ut, Shasivar Haxhijaj ka thënë se aktivitetin do ta fillojnë me vendet më të ndotura sidomos në kryeqytet, pastaj në Obiliq.

Ai ka bërë thirrje që të bashkohen edhe gjithë komunat që bashkërisht t’i bëjnë vendet e pastra.

Kompostimi është mënyra e natyrës për riciklim të mbeturinave organike

Të lumtur me rezultatin e punës së djeshme, ndajmë me ju disa fotografi nga punëtoria e mbajtur në Termokiss, ku ndërtuam një kosh dhe e mbushëm me material për kompostim.

Shtresat e vendosura në koshin e ndërtuar nga paletat janë: karton në fillim për pengim të rritjes së barit dhe për tërheqejne e skrajave. Pastaj pleh i cili është i pasur me azot, kashtë e cila është e pasur me karbon, gjethe të rena nga drunjët, dhe pas çdo shtrese ujë për ti dhënë lagështi. I gjithë materiali është vendosur me metodën lazanjë.

E e tërë kjo masë do të kompostohet dhe do të transformohet ne nje humus me erë të ëmbël dhe do të jetë gati për mbjelljet në pranverë.

Dialogu mbi Mbeturinat Ushqimore

Sa mendoni që është i rëndësishëm ndërgjegjësimi i qytetarëve lidhur me efektet e
Mbeturinave Ushqimore?

Sa mendoni që është i rëndësishëm ndërgjegjësimi i qytetarëve lidhur me efektet e
Mbeturinave Ushqimore?

https://www.facebook.com/letstalkaboutfoodwaste/photos/a.107366901094452/107356981095444