Mbahet ceremonia finale e turneut të debatit të gjelbër

Sot mbahet ceremonia e finales së turneut të debatit të organizuar nga Balkan Green Foundation.

Kjo ngjarje është e hapur mbahet në ambientet e KINO Armatës në Prishtinë.

Fazat preliminare të turneut të debatit “Green Debate Tournament” janë mbajtur më 21 dhe 22 maj 2022, ndërsa më 24 mbahet debati final i turneut ku do të ndahen certifikatat e pjesëmarrjes, arritshmërisë, medaljet, dhuratat për finalistët dhe kupa për fituesit.

Turneu i debatit është mbajtur në formatin e strukturuar të debatit “British Parliamentary”, dhe ka pas pjesëmarrës nxënësit e shkollave të mesme të komunës së Ferizajt, Lipjanit, Pejës, Prishtinës, dhe Mitrovicës së Jugut.

Turneu i debatit “Green Debate Tournament” është mbështetur financiarisht nga UNMIK Kosovo.

https://facebook.com/events/s/green-debate-tournament-finals/813673646685311/

20 MAJI DITA BOTËRORE E BLETËS

Qëllimi i Ditës Botërore të Bletës është të rrisë ndërgjegjësimin e publikut botëror për rëndësinë dhe mbrojtjen e bletëve. Bletët janë gjithnjë e më shumë të rrezikuara dhe për këtë arsye kanë nevojë për mbrojtjen e mjedisit të tyre natyror, i cili do t’u mundësojë të mbijetojnë. Përveç produkteve të bletëve, të cilat konsiderohen si ushqim cilësor, kontributi më i madh i tyre është pjalmimi i pothuajse tre të katërtave të të gjitha bimëve.

Shtetet Anëtare të OKB-së miratuan propozimin e Sllovenisë për të shpallur 20 majin si Ditën Botërore të Bletës në dhjetor 2017, data e lindjës së Anton Janshës. Anton Jansha ishte mësuesi i parë i bletarisë në oborrin perandorak të Vjenës, i cili në shekullin e 18-të rishikoi plotësisht metodat e deritanishme të bletarisë dhe bazuar në gjetjet e tij hodhi themelet e bletarisë moderne.

Panairi Green Startup

Panairi Green Startup do të mbahet më 11 maj në ICK, si iniciativë e përbashkët me UNDP Kosova, pjesë e fushatës së Ditë së Tokës në Kosovës. GreenStartupFair22 do të nxjerrë në pah qasjet e shkëlqyera të gjelbërta, eko dhe të qëndrueshme të firmave startup lokale dhe OSHC-ve.

Do të ketë një sërë ekspozuesish, folës, donatorë, investitorë potencialë dhe media të pranishëm në këtë ngjarje. Edicioni i parë i Panairit Green Startup mbështetet nga Ambasada e Suedisë në Prishtinë, Bashkimi Evropian në Kosovë, Ambasada e Japonisë në Kosovë dhe USAID në Kosovë. Dyert hapen në orën 10:00 në ICK. Mirë se vini!

Ekspozuesit: Kosova Glass Recycling, Formon, DYVO, Enchele, GoBeyond, Biotech Agriculture, Climate Awareness Association – CAA, Botanic-llc, LOOP SMC, REKS LLC, TE Pema, AgroVictus & Lazdrohu Sport Kids.

https://www.facebook.com/events/960438441268083/

22 Prilli, Dita e Tokës

Dita e Tokës, e festuar çdo vit më 22 Prill, është një kujtesë për ta mbrojtur mjedisin, për të rivendosur ekosistemet e dëmtuara dhe për të jetuar një jetë më të qëndrueshme.

E festuar për herë të parë në vitin 1970, këtë vit, kjo ditë shënon 52 vjetorin e saj.

Cili është fokusi i këtij viti?

Këtë vit, www.earthday.org e ka përzgjedhur temën, ‘Investoni në planetin tonë’. Kjo shpjegon se: “Ky është momenti për të ndryshuar gjithçka – klimën e biznesit, klimën politike dhe mënyrën se si ne marrim masa për ndryshimet klimatike.

Tani është koha për guximin e pandalshëm për të ruajtur dhe mbrojtur shëndetin tonë, familjet tona, jetesën tonë… së bashku, ne duhet të “Investojmë në planetin tonë”.

Këtu gjithashtu flitet dhe paralajmërohet se koha është shumë e shkurtër dhe duhet marrë masa për të bërë ndryshime.

WWF fton individët, institucionet, dhe bizneset ta shënojnë vullnetarisht ‘Orën e Tokës’

Ora e Tokës, ngjarja vullnetare më e madhe globale për ruajtjen e planetit, shënohet më 26 mars duke i fikur dritat në orën 20:30

Të shtunën, më 26 mars, në orën 20:30, një nga nismat më të mëdha mjedisore në botë, Ora e Tokës, do të bashkojë sërish njerëzit në gjithë globin për të treguar përkushtimin e tyre ndaj planetit Tokë.

WWF Adria i fton të kryetarët e të gjitha komunave që të fikin ndriçimin në ndonjë objekt apo pjesë të veçantë të qyteteve të tyre të shtunën nga ora 20:30 deri në 21:30, dhe kështu, të bëhen pjesë e shënimit të kësaj dite.

Përderisa biodiversiteti i botës po zvogëlohet në një shkallë të paprecedent, dhe rreth një milionë specie janë të kërcënuara me zhdukje, lëvizja më e madhe në botë për ruajtjen e planetit ka për qëllim të mobilizojë individët, bizneset, dhe qeveritë, të jenë pjesë e bisedimeve dhe zgjidhjeve që nevojiten për një të ardhme të qëndrueshme. Në këtë kohë sfiduese,

Ora e Tokës paraqet një moment të solidarizimit, dhe një mundësi për t’u kujdesur për njëri-tjetrin e shtëpinë tonë të përbashkët. Ora e Tokës, e cila filloi në vitin 2007 si ngjarje simbolike e ndaljes së dritave në Sidni të Australisë, sot shënohet në mbi 190 shtete dhe territore. Këtë vit në rajonin tonë fokusi i kësaj ngjarjeje do të jetë ngritja e vetëdijes për llojet e kafshëve të cilat po zhduken me ritëm shumë të shpejtë.

Ftojmë të gjithë ata që duan të fikin dritat për planetin Tokë, të postojnë fotografitë e tyre me mbishkrimin #OraeTokesKosove.

Për informata shtesë: Ariana Çaka, Zyrtare për Komunikim, WWF Adria, +383 44 592 643, acaka@wwfadria.org

WWF është një nga organizatat më të mëdha të pavarure më me reputacion për mbrojtjen e natyrës, me afro pesë milion mbështetës, dhe një rrjet global aktiv në më shumë se 100 shtete. Misioni i WWF është të ndalojë shkatërrimin e mjedisit natyror të Tokës, dhe të ndërtojë një të ardhme ku njerëzit jetojnë në harmoni me natyrën duke ruajtur biodiversitetin botëtor, dhe duke u siguruar përdorimin e qëndrueshëm të burimeve natyrore të ripërtrishme, duke promovuar zvogëlimin e ndotjes dhe konsumit të tepërt. Më shumë informacion në www.wwfadria.org.

ENTROPY FEST – Festivali Mjedisor për Prosperitet të Përbashkët KTHEHET me edicionin e 2të, nën temën “Mbeturinat Ushqimore”

Hapja e Festivalit bëhet të Premten, 18 Mars 2022, nga ora 18:00, në Kino ARMATA, Prishtinë.

Për hapje kemi program special

✔️ Premiera e dokumentarit “Mbeturinat Ushqimore: Dialog publik mbi reformimin e sistemeve ushqimore në Kosovë”
✔️ Panel diskutimi
✔️ Gosti festive

Festivali është i hapur për të gjithë.

ENTROPY FEST – Festivali Mjedisor për Prosperitet të Përbashkët është organizim multimedial që zhvillohet në Prishtinë, me qëllim rritjen e ndërgjegjësimit në Kosovë për Mbeturinat Ushqimore dhe Veprimin Klimatik.

Fondacioni Jeshil
HumanRightivism
Embassy of Sweden in Pristina
Community Development Fund – CDF
Kino ARMATA

ENTROPY Fest organizohet në kuadër të nismës “Let’s Talk About Food Waste” e cila synon të iniciojë një dialog publik të udhëhequr nga komuniteti dhe palët e tjera të interesit në Kosovë mbi ndikimet socio-ekonomike, politike dhe mjedisore të Mbeturinave Ushqimore dhe pilotimin e zgjidhjeve inovative për këtë problem.

ENTROPY FEST – Festivali Mjedisor për Prosperitet të Përbashkët KTHEHET me edicionin e 2të, nën temën “Mbeturinat Ushqimore”

Dita botërore e ruajtjes së energjisë

Dita botërore e ruajtjes së energjisë rrit ndërgjegjësimin për konsumin e energjisë dhe ndikimin e saj në qëndrueshmërinë në nivel global.

Ruajtja e energjisë është një faktor i rëndësishëm në zbutjen e ndryshimeve klimatike. Ndihmon zëvendësimin e burimeve jo të rinovueshme me energji të rinovueshme.

Ruajtja e energjisë është shpesh zgjidhja me kosto më efektive kur kemi të bëjmë me mungesën e energjisë, si dhe është një opsion më miqësor ndaj ekologjisë sesa rritja e prodhimit të energjisë.

Mësoni për ruajtjen e energjisë:

Mënyra më e saktë për të kursyer energjinë është përdorimi më pak i energjisë konsumuese që ndihmon në reduktimin e humbjeve të energjisë. Është jetike që energjia të përdoret në mënyrë efikase në mënyrë që të ruhet për përdorim në të ardhmen. Ruajtja e energjisë duhet të jetë e rrënjosur në sjelljen e çdo njeriu për të pasur një ndikim më të madh në strategjinë e ruajtjes së energjisë në nivel global.

Mjedisi i pastër është e drejtë e njeriut

Sot është Dita Ndërkombëtare e të Drejtave të Njeriut.

Këshilli i OKB-së Organi kryesor i OKB-së për të drejtat e njeriut ka votuar me shumicë dërrmuese për të njohur të drejtën për një mjedis të sigurt, të pastër, të shëndetshëm dhe të qëndrueshëm si një e drejtë e njeriut.

Në vitin 2021 nga OKB poashtu është caktuar një ekspert për të monitoruar të drejtat e njeriut në kontekst të emergjencës klimatike.

Njohja globale e kësaj të drejte do të ndihmojë në fuqizimin e komuniteteve lokale për të mbrojtur jetesën, shëndetin dhe kulturën e tyre kundër shkatërrimit të mjedisit dhe do të ndihmojë qeveritë të zhvillojnë ligje dhe politika më të forta dhe më koherente për mbrojtje të drejtave të njeriut.

Communitu Development Fund – CDF

Embassy of Sweden in Pristina

HumanRightivism

Partners in Action – PACT

Ekspozitë: riciklimi në industrinë e modës

A e dini se mbetjet nga plastika dhe tekstili mund të jenë të dobishme? DYVO dhe “Let’s Do it Peja”, janë duke i transformuar ato në veshje dhe aksesorë trendi mode, të dobishme dhe me stil.

Shtëpia e Evropës në Kosovë po organizon ekspozitën interaktive “Ridizajnim dhe riciklim në industrinë e modës”, ku përpos që do të shihni produkte mode të krijuara nga plastika dhe tekstili i ricikluar dhe ridizajnuar, do të mësoni më shumë për sasinë e plastikës që e bartni me vete, dhe do të informoheni për mënyrat kreative se si mund të ripërdorni plastikën.


Shënohet Dita Ndërkombëtare e Shpendëve Shtegtarë

Për ta shënuar Ditën Ndërkombëtare të Shpendëve Shtegtarë, Wildlife Albanian Photographers (WAPH) organizon ekspozitën tre ditore, e cila do të mbahet në Prizren, nga data 05.11.2021 duke filluar në orën 13:00h.