Ndryshimet klimatike janë një shtytës kryesor i migrimit

Çdo vit më 20 qershor, bota feston Ditën Botërore të Refugjatëve. Këtë vit fokusi do të jetë tek e drejta për të kërkuar siguri. Çdo person në këtë planet ka të drejtë të kërkojë siguri – kushdo qoftë ata, nga ku vijnë dhe kurdoherë që detyrohen të largohen nga vendet e tyre.

Kombet e Bashkuara vlerësojnë se rreth 20 milionë njerëz janë zhvendosur me forcë për shkak të rritjes së nivelit të detit, stuhive të dhunshme, thatësirave, reshjeve të mëdha dhe ndikimeve të tjera klimatike. Siç u theksua më lart, këta njerëz ekzistojnë në një hapësirë ​​gri, të detyruar të largohen nga shtëpitë dhe komunitetet e tyre, por nuk u jepet asnjë e drejtë ligjore ndërkombëtare apo rrugë veprimi.

Pakti Global i 2018-ës për Refugjatët pranon se ndryshimi i klimës dhe degradimi i mjedisit “ndërveprojnë me nxitësit e lëvizjeve të refugjatëve”. Ndërsa një hap i vogël përpara, kjo njohje nuk përfshin një pohim se ata që ikin nga ndryshimet klimatike janë në fakt refugjatë. Në vend të kësaj, ata në migrim për shkak të ndryshimeve klimatike quhen emigrantë, një term i gjerë që përdoret për të përshkruar njerëzit që kanë lënë shtëpitë e tyre – përkohësisht ose përgjithmonë – por jo për shkak të dhunës ose persekutimit të drejtpërdrejtë.

Në fakt, nevojitet një masë më e madhe avokimi për të siguruar që emigrantët klimatikë të njihen plotësisht në ligjet dhe mekanizmat ndërkombëtarë për të ofruar mbështetjen më të mirë në nivel ndërkombëtar.

Shënohet Dita Botërore e Mjedisit

Me 5 qershor të çdo viti, festohet Dita Ndërkombëtare e Mjedisit, si datë e caktuar nga OKB në vitin 1972, që synon inkurajimin e vetëdijësimit dhe veprimit për mbrojtjen e mjedisit në nivel global dhe lokal.

Për këtë, njëri ndër fituesit e shpërblimit në kuadēr të Platformës elektronike @environmenthub , Grupi Lokal i Veprimit “Natyra” ka realizuar me sukses fushatën senzibilizuese “3R” (Reduce, Reuse, Recycle), e cila është realizuar në kuadër të HumanRightivism.

Fushata 3R ka pasur për qëllim informimin e qytetarëve për praktimin e kësaj metode, duke ruajtur mjedisin dhe duke bërë promovimin e mjedisit të shëndetshëm për jetë, punë dhe zhvillim të qëndrueshëm.

Mbahet ceremonia finale e turneut të debatit të gjelbër

Sot mbahet ceremonia e finales së turneut të debatit të organizuar nga Balkan Green Foundation.

Kjo ngjarje është e hapur mbahet në ambientet e KINO Armatës në Prishtinë.

Fazat preliminare të turneut të debatit “Green Debate Tournament” janë mbajtur më 21 dhe 22 maj 2022, ndërsa më 24 mbahet debati final i turneut ku do të ndahen certifikatat e pjesëmarrjes, arritshmërisë, medaljet, dhuratat për finalistët dhe kupa për fituesit.

Turneu i debatit është mbajtur në formatin e strukturuar të debatit “British Parliamentary”, dhe ka pas pjesëmarrës nxënësit e shkollave të mesme të komunës së Ferizajt, Lipjanit, Pejës, Prishtinës, dhe Mitrovicës së Jugut.

Turneu i debatit “Green Debate Tournament” është mbështetur financiarisht nga UNMIK Kosovo.

https://facebook.com/events/s/green-debate-tournament-finals/813673646685311/

20 MAJI DITA BOTËRORE E BLETËS

Qëllimi i Ditës Botërore të Bletës është të rrisë ndërgjegjësimin e publikut botëror për rëndësinë dhe mbrojtjen e bletëve. Bletët janë gjithnjë e më shumë të rrezikuara dhe për këtë arsye kanë nevojë për mbrojtjen e mjedisit të tyre natyror, i cili do t’u mundësojë të mbijetojnë. Përveç produkteve të bletëve, të cilat konsiderohen si ushqim cilësor, kontributi më i madh i tyre është pjalmimi i pothuajse tre të katërtave të të gjitha bimëve.

Shtetet Anëtare të OKB-së miratuan propozimin e Sllovenisë për të shpallur 20 majin si Ditën Botërore të Bletës në dhjetor 2017, data e lindjës së Anton Janshës. Anton Jansha ishte mësuesi i parë i bletarisë në oborrin perandorak të Vjenës, i cili në shekullin e 18-të rishikoi plotësisht metodat e deritanishme të bletarisë dhe bazuar në gjetjet e tij hodhi themelet e bletarisë moderne.

Panairi Green Startup

Panairi Green Startup do të mbahet më 11 maj në ICK, si iniciativë e përbashkët me UNDP Kosova, pjesë e fushatës së Ditë së Tokës në Kosovës. GreenStartupFair22 do të nxjerrë në pah qasjet e shkëlqyera të gjelbërta, eko dhe të qëndrueshme të firmave startup lokale dhe OSHC-ve.

Do të ketë një sërë ekspozuesish, folës, donatorë, investitorë potencialë dhe media të pranishëm në këtë ngjarje. Edicioni i parë i Panairit Green Startup mbështetet nga Ambasada e Suedisë në Prishtinë, Bashkimi Evropian në Kosovë, Ambasada e Japonisë në Kosovë dhe USAID në Kosovë. Dyert hapen në orën 10:00 në ICK. Mirë se vini!

Ekspozuesit: Kosova Glass Recycling, Formon, DYVO, Enchele, GoBeyond, Biotech Agriculture, Climate Awareness Association – CAA, Botanic-llc, LOOP SMC, REKS LLC, TE Pema, AgroVictus & Lazdrohu Sport Kids.

https://www.facebook.com/events/960438441268083/

22 Prilli, Dita e Tokës

Dita e Tokës, e festuar çdo vit më 22 Prill, është një kujtesë për ta mbrojtur mjedisin, për të rivendosur ekosistemet e dëmtuara dhe për të jetuar një jetë më të qëndrueshme.

E festuar për herë të parë në vitin 1970, këtë vit, kjo ditë shënon 52 vjetorin e saj.

Cili është fokusi i këtij viti?

Këtë vit, www.earthday.org e ka përzgjedhur temën, ‘Investoni në planetin tonë’. Kjo shpjegon se: “Ky është momenti për të ndryshuar gjithçka – klimën e biznesit, klimën politike dhe mënyrën se si ne marrim masa për ndryshimet klimatike.

Tani është koha për guximin e pandalshëm për të ruajtur dhe mbrojtur shëndetin tonë, familjet tona, jetesën tonë… së bashku, ne duhet të “Investojmë në planetin tonë”.

Këtu gjithashtu flitet dhe paralajmërohet se koha është shumë e shkurtër dhe duhet marrë masa për të bërë ndryshime.

WWF fton individët, institucionet, dhe bizneset ta shënojnë vullnetarisht ‘Orën e Tokës’

Ora e Tokës, ngjarja vullnetare më e madhe globale për ruajtjen e planetit, shënohet më 26 mars duke i fikur dritat në orën 20:30

Të shtunën, më 26 mars, në orën 20:30, një nga nismat më të mëdha mjedisore në botë, Ora e Tokës, do të bashkojë sërish njerëzit në gjithë globin për të treguar përkushtimin e tyre ndaj planetit Tokë.

WWF Adria i fton të kryetarët e të gjitha komunave që të fikin ndriçimin në ndonjë objekt apo pjesë të veçantë të qyteteve të tyre të shtunën nga ora 20:30 deri në 21:30, dhe kështu, të bëhen pjesë e shënimit të kësaj dite.

Përderisa biodiversiteti i botës po zvogëlohet në një shkallë të paprecedent, dhe rreth një milionë specie janë të kërcënuara me zhdukje, lëvizja më e madhe në botë për ruajtjen e planetit ka për qëllim të mobilizojë individët, bizneset, dhe qeveritë, të jenë pjesë e bisedimeve dhe zgjidhjeve që nevojiten për një të ardhme të qëndrueshme. Në këtë kohë sfiduese,

Ora e Tokës paraqet një moment të solidarizimit, dhe një mundësi për t’u kujdesur për njëri-tjetrin e shtëpinë tonë të përbashkët. Ora e Tokës, e cila filloi në vitin 2007 si ngjarje simbolike e ndaljes së dritave në Sidni të Australisë, sot shënohet në mbi 190 shtete dhe territore. Këtë vit në rajonin tonë fokusi i kësaj ngjarjeje do të jetë ngritja e vetëdijes për llojet e kafshëve të cilat po zhduken me ritëm shumë të shpejtë.

Ftojmë të gjithë ata që duan të fikin dritat për planetin Tokë, të postojnë fotografitë e tyre me mbishkrimin #OraeTokesKosove.

Për informata shtesë: Ariana Çaka, Zyrtare për Komunikim, WWF Adria, +383 44 592 643, acaka@wwfadria.org

WWF është një nga organizatat më të mëdha të pavarure më me reputacion për mbrojtjen e natyrës, me afro pesë milion mbështetës, dhe një rrjet global aktiv në më shumë se 100 shtete. Misioni i WWF është të ndalojë shkatërrimin e mjedisit natyror të Tokës, dhe të ndërtojë një të ardhme ku njerëzit jetojnë në harmoni me natyrën duke ruajtur biodiversitetin botëtor, dhe duke u siguruar përdorimin e qëndrueshëm të burimeve natyrore të ripërtrishme, duke promovuar zvogëlimin e ndotjes dhe konsumit të tepërt. Më shumë informacion në www.wwfadria.org.

ENTROPY FEST – Festivali Mjedisor për Prosperitet të Përbashkët KTHEHET me edicionin e 2të, nën temën “Mbeturinat Ushqimore”

Hapja e Festivalit bëhet të Premten, 18 Mars 2022, nga ora 18:00, në Kino ARMATA, Prishtinë.

Për hapje kemi program special

✔️ Premiera e dokumentarit “Mbeturinat Ushqimore: Dialog publik mbi reformimin e sistemeve ushqimore në Kosovë”
✔️ Panel diskutimi
✔️ Gosti festive

Festivali është i hapur për të gjithë.

ENTROPY FEST – Festivali Mjedisor për Prosperitet të Përbashkët është organizim multimedial që zhvillohet në Prishtinë, me qëllim rritjen e ndërgjegjësimit në Kosovë për Mbeturinat Ushqimore dhe Veprimin Klimatik.

Fondacioni Jeshil
HumanRightivism
Embassy of Sweden in Pristina
Community Development Fund – CDF
Kino ARMATA

ENTROPY Fest organizohet në kuadër të nismës “Let’s Talk About Food Waste” e cila synon të iniciojë një dialog publik të udhëhequr nga komuniteti dhe palët e tjera të interesit në Kosovë mbi ndikimet socio-ekonomike, politike dhe mjedisore të Mbeturinave Ushqimore dhe pilotimin e zgjidhjeve inovative për këtë problem.

ENTROPY FEST – Festivali Mjedisor për Prosperitet të Përbashkët KTHEHET me edicionin e 2të, nën temën “Mbeturinat Ushqimore”