Sesion informativ online

Mos mungoni në sesionin informativ të #BOOSTKosovo, këtë të​ premte. Cdo gjë, duke filluar nga procesi i aplikimit e deri te mundësitë përmes këtij programi akselerator, do të mbulohet në këtë info sesion.

Së bashku me Ambasadën e Japonisë në​ Kosovë, EBRD dhe ICK, do të mbështesim rreth 50 biznese në mbarë Kosovën, për t’u bërë efiçiente dhe të qëndrueshme. Ekipet më inovative do të financohen me rreth 20,000€, për implementimin e zgjidhjeve të tyre të gjelbërta.

🚀20,000€ grante për biznese
🚀Ekspertizë ndërkombëtare 
🚀Rrjetëzim

Fëmijët mësojnë për rëndësinë e mjedisit dhe reciklimit

Fondacioni BONEVET me lokacion në Mitrovicë ka organizuar punëtori me fëmijë në kuadër të aktiviteteve të përkrahura nga Platforma për Mjedis dhe Zhvillim tê Qëndrueshëm Environment Hub (www.environment-hub.org) i cili zbatohet në kuadër të HumanRightivism.

Punëtoria e parë:

Fëmijët janë njohur me rëndësinë e mbrojtjes së mjedisit dhe mënyrat e reciklimit të mbeturinave  Në fund kanë krijuar punimet e tyre të artit duke përdorur gjethe  

Punëtoria e dytë “BONE’VET Kopshtin Tënd”

Fëmijët kanë mësuar të riciklojnë letër dhe të krijojnë topa të mbushur me fara të luleve që t’i japin gjallëri kopshteve të tyre. Në fund, së bashku me stafin, ata kanë fiiluar ngjyrosjen e rrethojës për të krijuar një ambient sa më të bukur. Pjesëmarrës në punëtorinë e dytë ishin fëmijët nga komuniteti rom që ndjekin programet edukative në RADC Learning Center.

Pas përfundimit të këtyre aktiviteteve, nxënësit janë angazhuar në praktikimin e metodave kreative për mbrojtjen e mjedisit, në pastrimin e oborrit dhe lyerjen e telave mbrojtës të kopshtit.

Konferencë ndërkombëtare – Qëndrueshmëria Mjedisore dhe Ndryshimet Klimatike

Qendra për Energji dhe Qëndrueshmëri e Universitetit të Prishtinës organizon konferencën e parë ndërkombëtare “Qëndrueshmëria Mjedisore dhe Ndryshimet Klimatike”, që do të mbahet më 23 shtator 2022, nga ora 09:00, me temën kryesore energjinë.

Konferenca do të bashkojë akademinë, vendimmarrësit si dhe aktorët e fushës, me qëllim adresimin e sfidave të shumta, nëpër të cilat po kalon Kosova në tranzicionin energjetik dhe problemet e tjera klimatike.

Kjo konferencë mbështetet nga Qeveria e Gjermanisë përmes GIZ Kosovo, Caritas dhe UNDP Kosovo.

Vegëza:

https://m.facebook.com/story.php?story_fbid=pfbid0aAY6btfaV1cLcLEF4c6JCda4Fh5fR9mq7XnU8zYNpKxfTvNFxxBUitg4XicaEeCGl&id=100063236259809&sfnsn=scwspmo

KONFERENCË PËR MEDIA

Gjatë kësaj konference do të prezantohen/publikohen gjetjet e hulumtimit “Raport monitorimi i sektorit të mjedisit” për nivelin qendror (Ministrinë e Mjedisit, Planifikimit Hapësinorë dhe Infrastrukturës dhe Ministrinë e Bujqësisë, Pylltarisë dhe Zhvillimit Rural) dhe për shtatë komunat më të mëdha (Prishtinë, Prizren, Pejë, Mitrovicë, Ferizaj, Gjakovë dhe Gjilan).

https://facebook.com/events/s/konference-per-media/356130443389146/

Ministria e Ekonomisë me mbështetjen e USAID-it do të mbajë Forumin Solar të Kosovës – Zhbllokimi i Investimeve në Energjinë e Rinovueshme më 21-22 korrik në Prishtinë!

Forumi do të mbledhë lojtarët kryesorë vendorë dhe ndërkombëtarë të sektorit të energjisë, investitorët, financuesit, zhvilluesit dhe bizneset e burimeve të ripërtëritshme të energjisë për të nxjerrë në pah avancimet e politikave dhe mundësitë e investimeve në tregjet e konsumatorëve dhe të vetëkonsumit për iniciativat diellore në shkallë të vogël dhe të madhe në Kosovë.

Link:

https://m.facebook.com/story.php?story_fbid=pfbid02veGM3gv8ib4kHLqehum48h4P7YD3FgWsb2gQBjRdBYPsikpcVb74enUachzo1pFyl&id=100068853006

Ndryshimet klimatike janë një shtytës kryesor i migrimit

Çdo vit më 20 qershor, bota feston Ditën Botërore të Refugjatëve. Këtë vit fokusi do të jetë tek e drejta për të kërkuar siguri. Çdo person në këtë planet ka të drejtë të kërkojë siguri – kushdo qoftë ata, nga ku vijnë dhe kurdoherë që detyrohen të largohen nga vendet e tyre.

Kombet e Bashkuara vlerësojnë se rreth 20 milionë njerëz janë zhvendosur me forcë për shkak të rritjes së nivelit të detit, stuhive të dhunshme, thatësirave, reshjeve të mëdha dhe ndikimeve të tjera klimatike. Siç u theksua më lart, këta njerëz ekzistojnë në një hapësirë ​​gri, të detyruar të largohen nga shtëpitë dhe komunitetet e tyre, por nuk u jepet asnjë e drejtë ligjore ndërkombëtare apo rrugë veprimi.

Pakti Global i 2018-ës për Refugjatët pranon se ndryshimi i klimës dhe degradimi i mjedisit “ndërveprojnë me nxitësit e lëvizjeve të refugjatëve”. Ndërsa një hap i vogël përpara, kjo njohje nuk përfshin një pohim se ata që ikin nga ndryshimet klimatike janë në fakt refugjatë. Në vend të kësaj, ata në migrim për shkak të ndryshimeve klimatike quhen emigrantë, një term i gjerë që përdoret për të përshkruar njerëzit që kanë lënë shtëpitë e tyre – përkohësisht ose përgjithmonë – por jo për shkak të dhunës ose persekutimit të drejtpërdrejtë.

Në fakt, nevojitet një masë më e madhe avokimi për të siguruar që emigrantët klimatikë të njihen plotësisht në ligjet dhe mekanizmat ndërkombëtarë për të ofruar mbështetjen më të mirë në nivel ndërkombëtar.

Shënohet Dita Botërore e Mjedisit

Me 5 qershor të çdo viti, festohet Dita Ndërkombëtare e Mjedisit, si datë e caktuar nga OKB në vitin 1972, që synon inkurajimin e vetëdijësimit dhe veprimit për mbrojtjen e mjedisit në nivel global dhe lokal.

Për këtë, njëri ndër fituesit e shpërblimit në kuadēr të Platformës elektronike @environmenthub , Grupi Lokal i Veprimit “Natyra” ka realizuar me sukses fushatën senzibilizuese “3R” (Reduce, Reuse, Recycle), e cila është realizuar në kuadër të HumanRightivism.

Fushata 3R ka pasur për qëllim informimin e qytetarëve për praktimin e kësaj metode, duke ruajtur mjedisin dhe duke bërë promovimin e mjedisit të shëndetshëm për jetë, punë dhe zhvillim të qëndrueshëm.

Mbahet ceremonia finale e turneut të debatit të gjelbër

Sot mbahet ceremonia e finales së turneut të debatit të organizuar nga Balkan Green Foundation.

Kjo ngjarje është e hapur mbahet në ambientet e KINO Armatës në Prishtinë.

Fazat preliminare të turneut të debatit “Green Debate Tournament” janë mbajtur më 21 dhe 22 maj 2022, ndërsa më 24 mbahet debati final i turneut ku do të ndahen certifikatat e pjesëmarrjes, arritshmërisë, medaljet, dhuratat për finalistët dhe kupa për fituesit.

Turneu i debatit është mbajtur në formatin e strukturuar të debatit “British Parliamentary”, dhe ka pas pjesëmarrës nxënësit e shkollave të mesme të komunës së Ferizajt, Lipjanit, Pejës, Prishtinës, dhe Mitrovicës së Jugut.

Turneu i debatit “Green Debate Tournament” është mbështetur financiarisht nga UNMIK Kosovo.

https://facebook.com/events/s/green-debate-tournament-finals/813673646685311/