Peja grumbullon mbeturinat e tekstilit, për përdorim të sërishëm

Meqenëse shumica e tyre janë rroba që mund të ripërdoren, riciklohen dhe ridizajnohen, organizatës mjedisore “Let’s Do It Peja”, i kiëjë grue tyre për atë qëllim.

Dhe kjo ide është jetësuar nëpërmjet një projekti të financuar nga Bashkimi Evropian dhe Komuna e Pejës, e cila e ka dhënë një pjesë simbolike.

Në kuadër të kësaj, në qendër të Pejës u vendos një kuti grumbullimi tre muaj më parë.

Urim Xharavina, drejtor i organizatës, tregon se vetëdija për mos-hedhjen e mbeturinave të tekstilit ka nisur të rritet.

“Qytetarët pa ndërprerë kanë vendosë rroba këtu, por dhe njëkohësisht edhe na dërgojnë mesazhe nëpërmjet mediave sociale dhe nëpërmjet telefonit na informojnë që ekipi i jonë shkon në shtëpi dhe i grumbullon”, ka thënë ai.

Mbeturinat e grumbulluara të tekstilit pastaj dërgohen për pastrim, riparohen dhe ridizajnohen.

Një pjesë e rrobave të padëmtuara nxirren edhe për shitje për një çmim simbolik si rroba të dorës së dytë, në dyqanin e hapur në kuadër të këtij projekti. Një pjesë tjetër e tyre ndërkaq, u dhurohet familjeve skamnore.

Ndërkohë, një sasi tjetër e mbeturinave të tekstilit dërgohet në shkollën e arteve, “Odhise Paskali” në Pejë. Përfshirja edhe e nxënësve të kësaj shkolle konsiderohet e rëndësishme për aftësimin e tyre praktik në kuadër të procesit mësimor.

“Është shumë e rëndësishme për nxënësit e shkollës tonë për shkak se ata në kohën e rregullt të mësimit mësojnë anën teorike, normalisht edhe praktikën, mirëpo, ekstra orë mbajnë edhe në lëndë praktike ku ata kanë mundësi me pa praktikisht qepjen, prerjen dhe formësimin e tekstilit në përgjithësi”, ka deklaruar Kastriot Blakaj, koordinator i praktikave profesionale në shkollën e artit.

Riciklimi i mbeturinave të tekstilit konsiderohet i rëndësishëm, pasi sipas një studimi të një fondacioni ndërkombëtar, është konstatuar se në botë çdo sekondë një kamion tekstil përfundon në mbeturina.

 

EC me thirrje për shtim të gjelbërimit në hapësira publike urbane

EC Ma Ndryshe ka realizuar një performancë, për të adresuar si shqetësim mungesën e gjelbërimit në hapësira publike. Kjo performancë është realizuar në Komunën e Prizrenit, në Komunën e Prishtinës, në Komunën e Pejës, në Komunën e Gjakovës, në Komunën e Ferizajit, në Komunën e Gjilanit, si dhe në Komunën e Mitrovicës në bashkëpunim me OJQ “7 Arte”.
Nga hulumtimi “Cilësia e ajrit në Prizren” që EC ka realizuar me qytetarët e Prizrenit në vitin e kaluar, del se rreth 44% e të anketuarve mendojnë se nuk po mbillen mjaftueshëm pemë në qytetin e tyre. Ky problem esencial është parë të jetë i pranishëm edhe në shumë komuna të tjera, prandaj dhe përmes këtij reagimi publik kërkohet gjetja e zgjidhjes adekuate për këtë çështje.
Në disa rrugë të përzgjedhura të komunave të lartëcekura ku është vlerësuar se ka mungesë të theksuar të gjelbërimit, janë improvizuar artistikisht disa pemë të cilat janë vendosur në beton duke shenjëzuar hapësirën ku ato do të mund të ishin të mbjellura.
Duke i ditur përfitimet e mëdha që sjellin sipërfaqet e gjelbëruara brenda zonave urbane, EC ka ndërmarrë iniciativën që ta realizojë një performancë të tillë, me qëllim që vëmendja e udhëheqësisë lokale të përqëndrohet në shtimin e gjelbërimit brenda qyteteve të Kosovës.
Hapësirat e betonizuara me mungesë gjelbërimi po shndërrohen në një problem tejet të madh sidomos gjatë këtyre ditëve me temperatura të larta. Me mungesë të gjelbërimit dhe me sipërfaqe të panumërta të betonizuara brenda qyteteve tona po krijohen “Ishujt e nxehtësisë urbane” të cilat në kombinim me makinat e ngrisin temperaturën e përgjithshme me +5°C (https://time.com/5655074/concrete-urban-heat).
E në anën tjetër pemët dukshëm e ulin temperaturën e përgjithshme përmes krijimit të hijeve dhe përmes një procesi të njohur si ‘transpirimi ftohës’ ku pemët lëshojnë ujë në atmosferë nga gjethet e tyre duke reduktuar temperaturën e pikut të verës me 1-5 °C. (www.epa.gov/ Using Trees and Vegetation to Reduce Heat Islands).
Përdorimi i pemëve dhe vegjetacionit në mjedisin urban, me mirëmbajtjen adekuate sjellë përfitime përtej uljes së nxehtësisë brenda zonave urbane. Pemët përreth ndërtesave ndikojnë në krijimin e hijeve dhe kërkesën për kondicionim të ajrit dhe shpenzim të energjisë; përmirësojnë cilësinë e ajrit dhe ulin emetimet e gazrave serrë; ulin rrezikun e përmbytjeve; përmirësojnë cilësinë e jetës si dhe sigurojnë vlerat estetike, krijojnë habitat për shumë lloje dhe zvogëlojnë zhurmën.
Pemët gjithashtu kanë një rol thelbësor në evitimin e ndryshimeve klimatike. Mbjellja dhe mbrojtja e zonave të gjelbra urbane do të maksimizojë thithjen e dioksidit të karbonit, i cili është shkaktar kryesor i ndryshimeve klimatike.
Mbjellja e pemëve poashtu është një nga zgjidhjet më të lira për të trajtuar këtë çështje andaj edhe kjo duhet të jetë një arsye shtesë pse qeveria qendrore dhe ato lokale duhet të përqëndrohen në shtimin e sipërfaqeve të gjelbra në zonat urbane të Kosovës, bashkë me mirëmbajtjen e duhur të tyre.
Kjo performancë është realizuar nga EC Ma Ndryshe, mbështetur nga programi i Fondacionit Kosovar për Shoqëri Civile (KCSF) ‘EJA Kosovë’, bashkëfinancuar nga Agjencia Zvicerane për Zhvillim dhe Bashkëpunim (SDC) dhe Agjencia Suedeze për Zhvillim dhe Bashkëpunim Ndërkombëtar (Sida). Përmbajtja dhe qëndrimet e paraqitura këtu nuk përfaqësojnë qëndrimin zyrtar të donatorëve.

“T’i Japim Vendit Ngjyra” fushata më e madhe në vend për mbjelljen e 1.8 milionë drunjve

Ju prezentojmë videon promocionale të fushatës më të madhe në vend për mbjelljen e 1.8 milionë drunjve – “T’i Japim Vendit Ngjyra”  nga Ta Pastrojmë Kosovën dhe Komiteti Olimpik i Kosovës.

Në një prononcim ata thanë së Fushata “T’i Japim Vendit Ngjyra”, përmes kësaj video, shfaq vizionin e saj – mbjelljen e 1.8 milionë drunjve anembanë vendit brenda 10 viteve

“Por, për t’u bërë e mundur kjo, nevojitet bashkimi i të gjithëve; çdo kontribut, qoftë edhe shumë simbolik, vlen shumë për t’ia kthyer dhe shtuar ngjyrat vendit tonë” thuhët nga organizata Ta Pastrojmë Kosovën, shkruan Foldrejt.com

Inspektimi në vendin e shkatërrimit në Parkun Kombëtar Bjeshkët e Nemuna në Kosovë

Meqenëse kompania Kelag kishte pohuar në mënyrë të përsëritur se ata po veprojnë siç duhet dhe ligjërisht ndërsa i quanin gënjeshtarë ambientalistët lokalë, CEO i Riverwatch Ulrich Eichelmann hodhi një vështrim në këtë vend.

Në mes të parkut kombëtar, Kelag pastroi shtratin e lumit pa leje. Kjo është ajo që duket si “energjia e gjelbër” e Kelag.

Nga rruga, Kelag u desh të merrte 3 termocentralet nga rrjeti sepse nuk arritën të plotësonin kërkesat mjedisore. Kështu, lumi aktualisht mbart sasinë e plotë të ujit edhe në rrjedhën e termocentraleve.

Pishtarët Kosovo-Friends in Austria European Union Kosovo European Western Balkans EU Neighbourhood & Enlargement EU Environment #BalkanRivers #SaveTheBlueHeartOfEurope #TheDamTruth #AllDamsAreDirty #DirtyHydro