Me rastin e “Ditës Botërore të Mjedisit” – 5 Qershorit, Ministria e Mjedisit Planifikimit Hapësinor dhe Infrastrukturës në bashkëorganizim me Ministrinë e Arsimit Shkencës dhe Teknologjisë, Komunën e Prishtinës, OJQ-të mjedisore si: “Let’s Do it Kosova”, “Green Art Center”, “ATRC” , “Pamkos”, “Let’s Center” dhe shoqërinë civile, do të shënojnë këtë ditë, si një ndër festat më të rëndësishme të kalendarit Mjedisor.
Shënimi i kësaj feste mjedisore do të bëhet më datë 5 Qershor (ditë e Shtune) në hapësirën afër Stacionit të Trenit Rr. “ Tirana” – Komuna e Prishtinës, duke filluar nga ora 10:00.
Agjenda
09:45 – 10:00 / Arritja e pjesëmarrësve dhe mediave
10:00 – 10:10 / Hapja dhe Moderimi nga z. Besmir Kokollari, zyrtarë i ENM
10:10 – 10:20 / Fjalë rasti – z. Liburn Aliu, Ministër i MMPHI
10:20 – 10:30 / Fjalë rasti – znj. Arbërie Nagavci, Ministre e MASHT
10:30 – 10:40 / Fjalë rasti – z. Shpënd Ahmeti, Kryetar i Komunës së Prishtinës
10:40 – 10:50/ Fjalë rasti i një përfaqësuesi të OJQ-ve mjedisore
Aktivitetet e planifikuara
Shpërndarja e materialeve promovuese si – Fletëpalosje, poster, Roll up, T-shirt, çanta të biodegradueshme, pin buton, mesazhe senzibilizuese si dhe shpërndarja e materialeve për realizimin e aktiviteteve të pastrimit për të gjithë pjesëmarrësit.
OJQ-ja “Let’s do it – Ta pastrojmë Kosovën“:
Aktivitet pastrimi në parkun afër hekurudhave, Komuna e Prishtinës (Stacioni i Trenit, R. “Tirana”) deri në Fushë Kosovë, aktivitet i OJQ “Let’s do it – Ta pastrojmë Kosovën“ me pjesëmarrës Ansambli “Shota” dhe vullnetarë.
• Mbjellje të drunjëve në parkun e Stacionit të Hekurudhës në Fushë Kosovë;
• Pastrimi i shtratit të lumit në Janjevë – gjatësia 3.5 km;
• Mbjellja e 30 fidanëve në oborrin e shkollës ”Braca Aksic” , Janjevë – Lipjan;
• Pjesëmarrja në pastrimin e rrjedhës së lumit ”Lumbardhi i Prizrenit”, i cili organizohet nga Sharri Wildlife ;
• Aksion pastrimi, mbjellje dhe aktivitete tradicionale sportive së bashku me Komitetin Olimpik të Kosovës.
OJQ-ja “GAC“:
Aktivitete promovuese të organizuara nga GAC me Klubin e Gjelbër SH.M.F.U “Nazmi Gafurri” si: promovimi i konceptit 3’R, ndarja e mbeturinave të riciklueshme në burim, kompostimi, arti i ripërdorimit, mesazhe mjedisore.
Aktivitete promovuese të organizuara nga GAC, KSDV, me Klubin e Gjelb;r SH.M.F.U “Shkolla e Gjelbër” si: Promovimi i energjisë solare – Rimorkio; Promovimi i konceptit 3’R, Ndarja e mbeturinave të riciklueshme në burim; Kompostimi; Arti i ripërdorimit; Pikturimi; Mesazhe mjedisore; në Sheshin “Zahir Pajaziti” në Prishtinë.
Ekspozitë promovuese e organizuar nga GAC me klubin e gjelbër të SH.F.M.U “Pjetër Bogdani” në Prishtinë si video promovuese e aktiviteteve, promovimi i konceptit 3’R, Ndarja e mbeturinave të riciklueshme në burim; Kompostimi; Arti i ripërdorimit; Pikturimi; Mesazhe mjedisore;
OJQ-ja “ATRC“:
Organizon Forum virtual të diskutimit me ekspertë të fushës së mjedisit në lidhje me efektet e hidrocentraleve në mjedis.
Shoqata “PAMKOS“:
Në koordinim me të gjitha kompanitë regjionale të mbeturinave do të angazhohen në eliminimin e deponive ilegale. Aksion ky i cili do të ndikoi në përmirësimin e gjendjes së mjedisit dhe ngritjen e vetëdijesimit të qytetarëve për mjedis më të pastër. Largimi i deponive ilegale do të bëhet në koordinim me komunat ku operojnë, andaj lokacionet mbeten sipas kërkesës së komunave.
Ministria e Mjedisit, Planifikimit Hapësinor dhe Infrastrukturës me OJQ mjedisore Let’s do it dhe GAC do të realizojnë ligjërata edukuese mjedisore nga dt. 04 – 20 Qershor 2021 në institucionet e arsimit fillor duke përfshirë nga 2 SH.F.M.U në komunat Prishtinë, Mitrovicës, Pejë, Prizren, Ferizaj, Gjilan dhe Gjakovë.
17:00 – Përfundimi i aktiviteteve.
